FLASH
Shkruar nga Pamfleti
Kreu i PD, Sali Berisha ka akuzuar Edi Ramën, se në 12 vite kanë marrë më pak fonde për Kukësin, Hasin, Pukën, Tropojën dhe Vau i Dejës, se sa ka vjedhur motra e ish-kryebashkaikut të Tepelenës, Tërmet Peçi.
‘Kukësi, Hasi, Puka, Tropoja, Vau i Dejës, kanë marrë në 12 vite më pak, se sa ka vjedhur motra e Tërmet Peçit paratë e taksapaguesve shqiptarë. Po, ndaj dhe u shpjegoj unë se çfarë ka ndodhur.
Është e vërtetë që këtu s’kanë nis para ata. Përfundoi nja 10 kilometra rrugë nga Dragobia në Valbonë, shtroi asflatin se stabilizanti ishte i shtruar dhe tjerat absolutisht aty ishin.
Në zona tjera në jug, ai ka dërguar qindra e qindra milionë. Mos mendoni ju se përfituan banorët e jugut. Absolutisht, jo’, theksoi Berisha.
Duke folur në sheshin kryesor të Bajram Currit, kryedemokrati ka hedhur akuza ndaj Edi Ramës, se e ka diskriminuar veriun e Shqipërisë.
Berisha u shpreh se, Partia Demokratike është një forcë politike tradicionale që beson në traditën tonë, dhe tradita jonë është familja.
‘Ne, vijmë sot këtu tek ju, si një forcë politike tradicionale e lidhur që vlerëson dhe beson në traditën tonë, dhe tradita jonë është familja, është trashëgimia më e virtytshme që kemi ne shqiptarët. Trashëgimia jonë është morali, virtyti.
Tradita jonë është atdhedashuria’, tha Berisha.
Lini një Përgjigje