FLASH
Shkruar nga Pamfleti
Kreu i Partisë Demokratike, Sali Berisha, ka akuzuar qeverinë se ka dhunuar votën dhe vullnetin e lirë të qytetarëve, gjatë një fjalimi në foltoren e radhës të mbajtur në Kamëz.
Në deklaratën e tij, Berisha tha se, sipas tij, pas periudhës së Enver Hoxhës, vendi po përballet me armikun më të egër të votës së lirë.
Berisha tha se këto 12 vite kanë qenë të vështira për këtë qytet, pasi gjithçka ka ngecur.
Berisha akuzoi kryetarin e bashkisë së Kamzës se ka rrënuar infrastrukturën e këtij qyteti, ndërsa hapësirat e gjelbrat të zonës, po zëvendësohen nga betoni i pallateve.
Pjesë nga fjala e kreut të PD-së, Sali Berisha:
Mirëmbrëma dhe përshëndetjet e mia më të përzemërta ju, demokratëve dhe demokrateve të Kamzës të pranishëm në këtë sallë, banorëve të këtij qyteti, kudo që janë sonte, në Kamëz, në Shqipëri, jashtë vendit.
I dashur zoti kryetar i degës së Partisë Demokratike të Kamzës, i dashur zoti Ali Mehmeti, zonja Garo, të nderuar miq.
Kam shumë kënaqësi që vij sot tek ju.
Së pari, për të shprehur mirënjohjen më të pakufishme për secilin prej jush, për çdo demokrat e demokrate dhe mbështetës të Partisë Demokratike dhe të opozitës në këtë qytet, të cilët me besim të palëkundur tek Partia Demokratike, ia dolët në tërësi, Kamzën që ndërtuat, që e ngritët nga hiçi, e shndërruat në një nga qytetet më të mëdha të Shqipërisë, ta mbani qytet në përputhje me idealet tuaja, të qëndroni të palëkundur, të pamposhtur në të vërtetat dhe vlerat që ju besoni.
Vij këtu me ndjenjën e mirënjohjes së thellë, sepse ju në zgjedhjet e fundit përmbysët rezultatet e mëparshme dhe shkojmë të sigurt drejt garave të reja me besim të madh për fitore.
Por vij gjithashtu të përulem para jush edhe për faktin se 12 vite kanë qenë vitet e padrejtësive më të mëdha që kanë rënë mbi ju. Kanë qenë vitet e diskriminimit më të pamerituar ndaj jush. Kanë qenë vitet në të cilat shumica e familjeve tuaja janë detyruar të përcjellin fëmijët në rrugët e botës, sepse nuk ka pasur për ta asnjë mundësi që të qëndrojnë në vatrat e tyre familjare dhe të ndërtojnë ëndrrën e tyre. Kanë qenë vite në të cilat koha pothuajse ka ndaluar në Kamëz me këtë kryetarin, pseudo-kryetarin që keni. Kamza ka mbetur me një infrastrukturë në rrënim e sipër.
Ato terrene, ato mjedise të cilat ishin të domosdoshme për një qytet që është i gjashti në Shqipëri nga numri i banorëve, një nga një i hëngri dhe po i han betoni i Edi Ramës dhe i kryetarit.
Por këto kanë qenë vite dëshpërimi. Kanë qenë vite në të cilat pensionet jo që nuk u rritën, por krahasuar me çmimet u bënë gjithnjë e më të vogla. Po kështu edhe rrogat e ulëta dhe rrogat e mesme.
Pra, vite të një regjimi që në Kamëz dhe në mbarë Shqipërinë është sjellë si një pushtues i vërtetë. Është sjellë si një pushtues i vërtetë sepse, së pari, duke dhunuar votën tuaj, vullnetin tuaj të lirë, njësoj si në raste pushtimesh dhe diktaturash, i gjithë pushteti u përqendrua në duart e një njeriu.
Kanë qenë vite në të cilat ju keni derdhur lumenj djerse në fushata elektorale.
I keni fituar zgjedhjet, por armiku më i egër i votës së lirë të shqiptarëve pas Enver Hoxhës, Edi Rama, ka shndërruar procesin zgjedhor në farsë zgjedhore, në farsë elektorale.
Ka krijuar në fushatë elektorale tregun më të zi të të gjitha tregjeve, që është tregu i votës, tregu i vullnetit, tregu i idealeve të njerëzve.
Ka përdorur të gjitha metodat antidemokratike, antikushtetuese për të plaçkitur votën e qytetarëve.
Po ti mor plere, je i pari qe duhet te zhdukesh e te mbyllesh gojen tende te piste e te qelnur.