FLASH
Shkruar nga Pamfleti
Sali Berisha dhe ata që i shkojnë pas, që tani janë shtuar në fakt, pasi ai ka arritur të joshë edhe Gazment Bardhin me të vetët, bllokoi sot Kuvendin dhe nuk lejoi mbajtjen e seancës plenare.
Sigurisht, kaq ai e ka në dorë, pasi mazhoranca, jo se nuk ka mjetet për ta penguar, por thjesht po i vjel benefitet kësaj që po ndodh.
Nëse do bënim një krahasim, ku PS do quhet para e pisët, Berisha thjesht po e pastron atë.
Ai mori nën kontroll Parlamentin sot, hyri në FB e tij dhe foli e foli derisa e zëvendësoi Muli sepse u lodh.
Berisha thotë se po lufton për kauzën e madhe, atë të shpëtimit të opozitës së vërtetë, pasi sipas tij, Rama po kërkon ta asgjësojë duke mbajtur në këtë vend Lulzim Bashën, që siç thotë e ka marrë peng.
Në fakt, Berisha të gjithë këtë luftë e bën për të mbajtur larg prangat për të birin, të bijën, dhëndrrin, se vetë nuk e gjen gjë, se nuk e fut njeri në burg në këtë moshë.
E deri tani ja ka dalë, sa kohë kemi një Altin Duman, që thotë se nga ngarkesa nuk janë marrë dot me ‘peshqit e mëdhenj’.
Po ju po i kërkoni ndihmë dhe Mark Zuckenbergut o Duman, për Arben Ahmetajn.
Ndërkohë keni para syve me të gjitha faktet ‘ujkun e korrupsionit, Ilir Beqja dhe as që keni ndërmend t’i vini prangat.
Apo të tjerët, që nga Meta, Berisha e të gjithë të tjerët, familjarisht domethënë dhe prapë s’po iu prekni fijen e flokut.
Tani, në këtë situatë ku llogaritë janë sheshit, Lulzim Basha ka momentin të kalojë Selami Jenisherin. Basha nuk mund të bëjë vetëm rolin e Jenisherit, rri në Parlament, merr rrogën, se tani edhe është dyfishuar, nga biçikleta në makinë luksoze, por vetëm kaq.
Basha duhet të flasë dhe të marrë vendin që i takon, duke nxjerrë nga loja përfundimisht Sali Berishën, nëse do vërtet të jetë opozita e vërtetë.
Të flasë e t’i heqë damkën vetes si i blerë e i marrë peng nga Rama.
Ai di gjithçka për Sali Berishën, e nëse është dikush që mund të ketë fakte, është pikërisht ai.
Në të kundërt, të hapë krahun, e të bëjë sevap duke ja lënë vendin përsëri Selami Jenisherit, është ‘500’ herë më mirë.
Lini një Përgjigje