FLASH
Shkruar nga Pamfleti
Deputeti i Partisë Demokratike, Agron Gjekmarkaj, ka folur për situatën e opozitës dhe bashimin mes palëve.
Ai ka thënë se i vjen keq për Lulzim Bashën dhe e ka quajtur atë “klloun të qeverisë”.
Për çështjen e vulës, Gjekmarkaj thotë se i duhet dhënë shumicës, pasi atë nuk e ka Lulzim Basha.
Ai shtoi se zgjedhjet që ai ka bërë në Partinë Demokratike nuk janë njohur.
“Sa i përket ligjit për amnistinë penale, mazhoranca po bën amnisti anti-Salianji. Basha duhet të mos kthehet në një klloun të qeverisë. Basha nuk ka as vulë dhe as sigël, zgjedhjet e tij nuk janë njohur. Gjykata t’i japë vulën e PD-së shumicës. Bashkimi i PD-së është minimumi, për fitore pastaj duhet akoma më tepër punë. Duhet që të bashkohemi si Parti Demokratike. Do doja që Blinken të vizitojë përfaqësues të opozitës. Edhe zoti Blinken kur ishte në Tiranë nuk e kritikoi opozitën për asgjë dhe kjo ka rëndësi të madhe”, tha Gjekmarkaj.
Agron Gjekmarkaj theksoi se vizita e Zelenskyt përmirëosn imazhin e Shqipërisë, por shtoi se mendon se Rama po bën propagandë me të tilla vizita.
Sipas tij ndihma e Shqipërisë do të kishte qenë më e vlefshme me vepra konkrete, si ndihma në ushqime etj. dhe jo në bisedime ku as ndërkombëtarët nuk kanë zgjidhur gjë.
“Kryeministri Edi Rama bën propagandë me Samitet e Tiranës. Unë nuk e di se çfarë do bisedojë Rama me Zelenskin, por janë çështje botërore që nuk po i zgjidh SHBA-të dhe vendet perëndimore e nuk mund t’i zgjidhë dot Shqipëria. Unë do thosha që më mirë do të ishte që Rama të deklaronte ta ndihmojmë Ukrainën me vezë, me ushqime etj. Besoj se ndihma konkrete do vlente më shumë sesa fjalët dhe propaganda. Mendoj se Rama po përdor të gjitha vizitat, qoftë të Blinken, qoftë të Zelenskit, për t’i dëshmuar popullit se gjoja ai ka mbështetjen e ndërkombëtarëve. Ndonjëherë, për këto vizita të vjen për të qeshur me guximin”, u shpreh Gjekmarkaj në News 24.
Lini një Përgjigje