FLASH
Shkruar nga Pamfleti
Kryeministri Rama e ka nisur me kritika mbledhjen e Asamblesë së Partisë Socialiste. Ai i ka kërkuar kryebashkiakut të Tiranës Erion Veliaj emrat e anëtarëve dhe drejtuesve të degëve që nuk kanë punuar aq sa duhet, teksa thekson se do të marrë masa ndaj tyre.
Rama shton se nuk përjashtohet mundësia e lëvizjes së tyre nga pozicionet që kanë në degët e PS.
Bëhet me dije se kryeministri ka pasur rezerva edhe për Kavajën, duke u nisur nga fakti që kanë humbur zgjedhjet e 14 majit.
Gjatë fjalës së tij në nisje të takimit, kryeministri theksoi se në këtë Asamble do të bëhet një analizë të situatës ku ndodhet partia. Ai theksoi se është shumë e nevojshme një hapje e madhe e partisë dhe një përfshirje sa më e gjerë e të gjithë atyre që kanë dëshirën dhe nevojën e brendshme të kontribuojnë dhe të kërkojnë hapësirën tyre.
Mbledhja vjen në një moment kur tensionet në parlament dhe me opozitën janë shtuar ndërkohë që kjo e fundit ka nisur edhe protestat dhe ka njoftuar përshkallëzim të aksionit.
Lini një Përgjigje