FLASH
Shkruar nga Pamfleti
Kryeministri në detyrë i Malit të Zi, Dritan Abazoviç ka komentuar për mediat sulmin e ndodhur në Banjskë pas takimit të Ministerialit të Ministrave të Jashtëm në Tiranë.
Kryeministri në detyrë i Malit të Zi nga Tirana foli me tone të forta kundrejt reagimit të ndërkombëtarëve për qëndrimin ndaj sulmit të terroristëve serbë në veri të Kosovës.
Abazoviç tha se politika e ndërkombëtarëve nuk ka qenë shumë efikase në rajon dhe ata nuk duhet të lajnë duart me disa reagime për sulmin sepse ishin paraljmëruar më parë nga Kosova për lëvizjet e serbëve në veri.
"Unë mendoj se hetimi, i cili do të realizohet ka për të treguar të vërteta. Jashtëzakonisht dua të them se është e paparanueshme ajo që ka ndodhur në veri të Kosovës. Mali i Zi përkah qëndrimet e BE dhe NATO, kjo është diçka e papranueshme. Kushdo që ka krijuar atë lloj konlikti, duhet të jetë përgjegjës. Unë pres dhe hetim nga autoritetet e Kosovës, Serbisë dhe ndërkombëtarët sepse ata nuk mund të lajnë duart nga kjo punë. Ka pasur paralajmërime se atje gjenden njerëz që kanë lidhje me krimin e organizuar.
Mali i Zi ka njohur Kosovën në kufijtë që janë të pranueshme në kufijtë që janë njohur. Dakord jemi me çdo aktivitet të KFOR-it dhe të tjerëve që japin kontribut. Dihet se cilat janë kufijtë e shteteve në Ballkanin Perëndimor. Jam i bindur se veprimet e Ramës dhe çdo aktivitet i tij ndërkombëtar që është jashtëzakonisht i madh, shkojnë që të gjendet modaliteti, të gjendet paqe dhe të shkojmë në progres. Nuk i takon politikanëve që do të nisë kritika ndaj Ramës pasi jam mëse i bindur se çdo veprim i tij pa marrë parasysh si intepretohet, shkon vetëm si të kemi një rajon ku ka për të qenë fokusi në bashkëpunim dhe paqe.", tha ai.
Lini një Përgjigje