FLASH
Shkruar nga Pamfleti
Ditën e nesërme më 7 tetor pritet të mbahet protesta e opozitës, e cila është cilësuar nga deputetët opozitarë si “nisja e mosbindjes civile”.
Sekretari i përgjithshëm i Partisë Demokratike, Flamur Noka në një lidhje të drejtpërdrejtë për emisionin “Review” në Euronews Albania, nga Selia e Partisë Demokratike tha se kjo protestë është ndryshe nga gjithë protestat e tjera të opozitës.
I pyetur nëse kjo protestë do ngjasojë me protestën e studentëve në 2018, me atë për vrasjen e Klodian Rashës apo me 21 janarin, Flamur Noka tha se kjo protestë është e kundërta e 21 janarit.
“Me 21 janarin nuk ka asnjë lidhje sepse 21 janari ishte organizim i një çete horrash kundër legjitimitetit të një pushteti, tani është organizim i qytetarëve, kundër një çete horrash. Është krejt e kundërta. Nesër do jetë dita që starton mosbindja civile. Revolta e qytetarëve do vërshojë në Tiranë”, tha Noka.
Lini një Përgjigje