FLASH
Shkruar nga Pamfleti
Policia greke goditi ditën e djeshme një grup kriminal të përfshirë në tentativë vrasje, shkatërrim prone me eksploziv, shkatërrim prone me zjarr, plagosje si dhe çështje droge e armësh.
26 persona u arrestuan nga policia greke, 8 prej tyre janë shqiptarë. Zbardhen emrat e shqiptarëve të arrestuar, ndërsa grupi drejtohet nga burgu nga 45-vjeçari Edmond Përbasha, i njohur si “Mondi”.
Në total janë arrestuar 26 persona, përfshirë drejtuesin e grupit dhe nipin e tij. Të gjithë janë shtetas shqiptarë dhe grekë.
8 shqiptarët e arrestuar janë:
Edmond Perbasha, 44 vjeç nga Mirdita
Klajvert Perbasha, 20 vjeç nga Mirdita
Mario Kojku, 20 vjeç nga Lushnja
Denhendri Kasemi, 22 vjeç
Amarildo Hajderasi, 27 vjeç
Ilia Shahini, 22 vjeç
Evgjenia Lumani, 23 vjeçe
R. Plaku, 16 vjeç
Për të arritur qëllimet e tyre, organizata kriminale vepronte në dy nëngrupe, me strukturë dhe veprim të veçantë. Nëngrupi i parë përbënte “bërthamën e fortë” të organizatës, duke ndërmarrë si trafikun e lëndëve narkotike ashtu edhe kryerjen e krimeve të rënda që rezultonin në rrezik të konsiderueshëm për jetën e njerëzve dhe shkaktuan dëme të rënda materiale. Në nëngrupin e dytë, anëtarët e tij ishin më të ulët në hierarki dhe ishin aktivë ekskluzivisht dhe çdo ditë në shpërndarjen e lëndëve narkotike, në zona të ndryshme të Athinës Juglindore, konkretisht në Glyfada, Argyroupoli, Elliniko, Voula, Vouliagmeni, Vari, Alimo, Ilioupoli, Koropi, Lagonisi dhe Humnera.
Policia ka zbardhur disa ngjarje kriminale si sulmi me zjarr në një dyqan të kujdesit shëndetësor, në nëntor të vitit 2023 në Marusi, vendosje eksplozivi në qershor të vitit 2024 në hyrje të një pallati në Peristeri, rrëmbimi dhe shkaktimi i lëndimit trupor të një personi, në gusht të vitit 2024 për borxhin e tij monetar, kërcënime ndaj oficerëve të burgjeve, në gusht të vitit 2024, vendosja e eksplozivit në gusht të vitit 2024, në një dyqan me interes shëndetësor në Argyroupoli dhe tentativa e vrasjes me armë zjarri dhe thikë ndaj dy personave, në tetor të vitit 2024 në Nea Smyrni.
Nga kontrollet e kryera në kuadër të operacionit janë gjetur dhe sekuestruar rreth 155 mijë euro cash, 1 kg kokainë, 32.6 kg marijuanë, 50 pilula ekstazi, 640 gramë MDMA, 16 peshore 23 rende, 5 pistoleta dhe shtatë karikatorë pistolete, 2 armë ajrore me karikatorë, jelek antiplumb, karikator kallashnikovi me 29 fishekë, rrip fishekësh, 17 thika, grusht hekuri, shufër metalike, 12 makina dhe 9 motoçikleta, një mori pako najloni, fishekzjarre dhe gjeneruesa tymi, anabolike, celularë dhe karta SIM, media të ndryshme të ruajtjes së të dhënave dixhitale, 3 orë dore me vlerë të lartë, laptop, 110 paund britanik, kapele policie dhe 13 bojë spray.
Lini një Përgjigje