FLASH
Shkruar nga Pamfleti
Zbardhen detaje të reja nga ngjarja e rëndë në Durrës, ku ditën e sotme një 40-vjeçar humbi jetën pas goditjeve me thikë.
Ngjarja ndodhi në afërsi të shkollës 9-vjeçare “Jusuf Puka”.
Autori i dyshuar, Arben Koçilja, 35 vjeç, goditi me thikë në zemër Halil Kokën, i cili ndërroi jetë rrugës për në spital.
40-vjeçari dhe i riu raportohet se ishin banorë të lagjes nr.4 të qytetit bregdetar, ku ndodhi edhe krimi rreth orës 12:30 të mesditës së sotme.
Koçilja është shpallur në kërkim nga uniformat blu.
“Plagosi me mjet prerës (thikë) një shtetas i cili humbi jetën gjatë transportimit për në spital, Policia identifikon autorin dhe vijon kontrollin dhe ndjekjen për kapjen e tij. Rreth orës 12:30, në lagjen nr. 4, dyshohet se gjatë një konflikti të çastit, shtetasi I. K. ka goditur me mjet prerës (thikë), shtetasin H. K., i cili si pasojë, ka humbur jetën gjatë transportimit në spital
Shërbimet e Policisë kanë shkuar menjëherë në vendngjarje, kanë rrethuar zonën dhe po bëjnë krehjen e saj, me qëllim kapjen e shtetasit I. K. Grupi hetimor ndodhet në vendngjarje dhe po punon për sqarimin e rrethanave të kësaj ngjarjeje”, njoftoi policia.
Lini një Përgjigje