FLASH
Shkruar nga Pamfleti
Biznesmeni Mondi Mëhalla (Edmond Hyka) u ekzekutua të dielën nga një atentat mafioz në Elbasan.
Mësohet se shkak i organizimit të ekzekutimit të biznesmenit, janë bërë mosmarrëveshjet për ndarjen e normës së fitimit në biznes.
Gjithashtu theksohet se mes palëve ka pasur edhe incidente si pasojë e kësaj çështje.
Policia lidhur me këtë ngjarje ka identifikuar dhe shpallur në kërkim dy persona si autorë të dyshuar të vrasjes.
Policia bëri me dije se janë shpallur në kërkim 2 persona të identifikuar si Marselo Arani dhe Armando Kola, të dyshuar si autorë të krimit.
Në pranga janë vënë bashkëpunëtori i biznesmenit si dhe roja i karburantit. Ky i fundit akuzohet për “Moskallëzim krimi”, pasi nuk ka dhënë informacion.
Konkretisht 32-vjeçari Xhino Ago, dyshohet si bashkëpunëtor, pasi i ka dhënë automjetin e tij njërit prej autorëve, Marselo Aranit. Ai akuzohet për veprat penale “Vrasje me paramendim”, kryer në bashkëpunim, dhe “Prodhimi dhe mbajtja pa leje e armëve, armëve shpërthyese dhe municionit”. Ndërsa Kujtim Pisha, 52 vjeç, akuzohet për veprën penale “Moskallëzim i krimit”.
Policia gjeti automjetin e përdorur nga autorët në fshatin Mirakë të Librazhdit, disa orë pas vrasjes që tronditi vendin. Gjithashtu, është gjetur edhe arma e zjarrit e përdorur në ngjarje.
Lini një Përgjigje