FLASH
Shkruar nga Pamfleti
Pesë burra shqiptarë dhe një grua britanike kanë pranuar rolin e tyre në një seri vjedhjesh me vlerë rreth 1 milion paund në të gjithë Mbretërinë e Bashkuar.
Endrit Nikolli, 27 vjeç, Kristian Gropcaj, 30 vjeç, Gjergj Lleshaj, 31 vjeç, Krisjian Dedndreaj, 28 vjeç, dhe Sidorjan Lleshi, 26 vjeç, të gjithë u deklaruan fajtorë për vjedhje me thyerje dhe posejdim të pasurive kriminale, gjatë seancave dëgjimore në Gjykatën e Kurorës në Chester.
Nikolli dhe Lleshi pranuan gjithashtu një akuzë tjetër për vjedhje me thyerje, të kryera në Staffordshire në mars 2024 dhe dhjetor 2023.
Ndërsa, Jade Tubb, 33 vjeç, u deklarua fajtore përposejdim të pasurive kriminale.
Hetimi kundër bandës filloi në tetor 2024 kur detektivët u vunë në dijeni për një seri vjedhjesh me thyerje në të gjithë zonën lindore të Cheshire, duke përfshirë incidente në Macclesfield, Prestbury, Weston dhe Willaston.
Në çdo rast, autorët përdornin shkallë për të hyrë nga dritaret dhe ballkonet. Pasi hynin brenda, ata plaçkisnin pronat, duke vjedhur bizhuteri, çanta firmato, ora dhe para të gatshme.
Pas bashkëpunimit midis Policisë së Derbyshire, Policisë së Nottinghamshire dhe Policisë së Staffordshire, detektivët nga Macclesfield arritën të lidhnin incidentet në Cheshire me disa të tjera në të gjithë Mbretërinë e Bashkuar përmes shenjave të këpucëve të lëna në vendngjarje.
Oficerët zbuluan se një Ford Focus i kuq, i cili ishte i siguruar në emër të Gropcajt, kishte qenë i pranishëm gjatë shumicës së incidenteve. Ata zbuluan gjithashtu se një makinë me qira e marrë nga Tubb ishte përdorur gjatë shumë prej vjedhjeve të tjera.
Më pas, Gropcajt iu kryen verifikime telefonike, të cilat zbuluan se ai kishte qenë në kontakt të rregullt me Nikollin, Dedndreajn dhe Lleshajn. Hetime të mëtejshme zbuluan se të katër burrat takoheshin rregullisht në një kafene në lagjen e bizhuterive në Birmingham.
Përveç kësaj, oficerët ishin gjithashtu në gjendje të vërtetonin se Tubb ishte në një lidhje me Nikollin.
Gjurmë të ADN-së nga Nikolli ishin gjetur gjithashtu në vendin e një vjedhjeje me thyerje në Staffordshire.
Dedndreaj nuk u kap në momentin e parë, por më vonë u arrestua në Surrey nga oficerët e Njësisë së Krimeve të Rënda dhe të Organizuara në Policinë e Cheshire.
Gjatë bastisjeve, oficerët sekuestruan 13 çanta dore firmato, së bashku me 14 ora dore me vlerë gati 17,000 paund.
Policia sekuestroi disa telefona celularë, dhe gjatë analizës, oficerët gjetën qindra imazhe të sendeve të vjedhura, së bashku me mesazhe që përmbanin linqe për hartat e Google të cilat korrespondonin me vendin e ngjarjeve të vjedhjeve.
Lini një Përgjigje