FLASH
Shkruar nga Pamfleti
Dy shqiptarë kanë rënë në prangat e policisë italiane, pasi grabisnin biznese dhe banesa në Itali.
Pasi karabinierët e Ardeas morën sinjalizimin lidhur me veprimtarinë e ‘skifterëve’ shqiptarë, u vunë në ndjekje të tyre.
Dy të arrestuarit lanë në mes grabitjen kur nuhatën se po ndiqeshin nga policia, por nuk u shpëtuan dot prangave, pasi u kapën gjatë momenteve të largimit.
Si prova u sekuestruan jo vetëm sende të vjedhura, por edhe valixhe profesionale, me të gjitha veglat e mundshme.
Ndërhyrja u krye dy ditë më parë. Media italiane raporton se hajdutët u përpoqën me çdo kusht të arratiseshin, duke kërcënuar me kaçavida karabinierët, por pa sukses.
Kërkimi solli mjaft surpriza. Në automjetin - të vjedhur disa muaj më parë - karabinierët gjetën një arsenal të vërtetë mjetesh për vjedhje, si leva, pinca, trapano, troko, madje edhe një mjet pune kazmë dhe një ndezës për shpërthim të lokalizuar.
Lini një Përgjigje