FLASH
Shkruar nga Pamfleti
Policia spanjolle ka zbuluar një plantacion prej 612 bimë kanabisi duke çuar kështu në arrestimin e dy shqiptarëve të moshës 19 dhe 27 vjeç.
Operacioni u zhvillua në një fermë të vjetër shpendësh që ndodhet në zonën e Bassa del Montsia, në komunën e Ulldecona, Spanjë.
Ferma në fjalë ishte në pronësi të një fqinji pensionist, ndërsa shqiptarët e kishin marrë me qera, raportojnë mediat spanjolle.
Dyshimet nisën pas një hetimi të iniciuar me qëllim evidentimin e humbjes së energjisë elektrike në rrjet.
Por në momentin kur agjentët hynë brenda fermës, zbuluan bimët e kanabisit dhe dy shqiptarët. Në fermë ishin ngritur dy zona kultivimi.
Lini një Përgjigje