FLASH
Shkruar nga Pamfleti
Publikohen fotot e dy shqiptarëve të arrestuar në një fermë kanabisi në një pronë industriale të Neyland. Gentian Zhupa, 35 vjeç dhe Ergest Mucopata, 42 vjeç, kishin punuar në një fermë kanabisi për të shlyer borxhet ndaj një bande kriminale që i kontrabandonte në vend.
Ata u burgosën secili për 12 muaj javën e kaluar pas akuzave për përfshirjen në prodhimin e kanabisit.
“Është e pritshme që ju të ktheheni në vendin tuaj të origjinës kur të keni vuajtur dënimin. Sa më e shkurtër të jetë koha në paraburgim në këtë vend, aq më mirë për taksapaguesit britanikë”, tha gjyqtari.
“Brenda ndërtesës u gjetën një sërë zonash kultivimi. Ishte një shembull i sofistikuar i një vendi prodhimi kanabisi”, u shpreh prokurori Craig Jones.
Gjykata dëgjoi se kishte objekte ndriçimi dhe ujitje për bimët e kanabisit, si dhe ambiente bazë të jetesës për burrat. Edhe energjia elektrike ishte vjedhur. Oficerët zbuluan 814 bimë kanabis, të cilat kishin një rendiment të vlerësuar nga 22 kg deri në 68 kg kanabis. Kanabisi do të kishte një vlerë rruge midis 88,000 dhe 350,000 £, në varësi të rendimentit, tha Jones.
Lini një Përgjigje