FLASH
Shkruar nga Pamfleti
Një tjetër aksident i rëndë ka ndodhur në aksin Korçë-Pogradec në afërsi Bulgarecit. Drejtuesi i një motori, 60-vjeçari S. Shkëmbi humbi jetën këtë të enjte, si pasojë e aksidentit.
Policia bën me dije se në rrethana ende të paqarta, drejtuesi i motorit humbi kontrollin dhe u përplas barrierat anësore të rrugës.
Në vendngjarje ndodhet aktualisht policia, e cila ka nisur punën për zbardhjen e rrethanave të aksidentit. Më herët, po në të njëjtin aks, Korçë-Pogradec, ndodhën edhe 2 aksidente të tjera.
Gjatë orëve të mëngjesit, në afërsi të fshatit Gurishtë një makinë përfundoi jashtë rruge pasi shoferi humbi kontrollin. Ai mbeti i plagosur rëndë dhe u transportua drejt Traumës në Tiranë.
Vetëm pak orë më pas, në afërsi të kryqëzimit të Maliqit, një këmbësor mbeti po ashtu i plagosur rëndë pasi u përplas nga një makinë.
Lini një Përgjigje