FLASH
Shkruar nga Pamfleti
Në Gjykatën e Rrethit Gjyqësor Fier, u zhvillua seanca gjyqësore ndaj 42- vjeçarit, Altjon Sulejmanaj, cili u arrestua dy ditë më parë pasi tentoi të vriste prindërit e tij të moshuar, Shaqir dhe Selfixhe Sulejmanaj, duke i vënë zjarrin banesës.
Prindërit e tij banonin në katin e tretë të një pallati 4-katësh në lagjen “ 15 Tetori” në Fier.
Trupi gjykues vendosi për 42-vjeçarin: 'Shtrim i detyruar në spitalin psikiatrik'.
Sipas burimeve policore në dëshminë e tij para uniformave blu të Fierit, 42-vjeçari, nuk ka shfaqur asnjë shenjë pendese, përkundrazi ka qenë tepër i qetë.
Shkaku i zjarrvënies ka qenë sepse i ka kërkuar babait 10 mijë lekë të vjetra, por ai ka refuzuar t’ia japë.
Kjo e ka nxehur 42-vjeçarin duke spërkatur shtëpinë me benzinë dhe duke i vënë zjarrin.
Lini një Përgjigje