FLASH
Shkruar nga Pamfleti
Të shtëna me armë zjarri janë regjistruar mëngjesin e sotëm në Laç.
Raportohet se është qëlluar me armë drejt një oficeri police, i cili ka qenë duke lëvizur me makinë në rrugën në fshatin Sanxhak.
Rrethanat e ngjarjes janë ende të paqarta, ndërsa fatmirësisht polici nuk është plagosur.
Nuk dihet nëse ka qenë atentat apo tentativë grabitje.
Forcat e Policisë kanë mbërritur në vendin e ngjarjes dhe po punojnë për zbardhjen e plotë si edhe për identifikimin e autorëve.
Ndërkohë, është zbardhur edhe dëshmia e policit Dhurim Metko.
Metko është efektiv i rendit në policinë e Kurbinit ka denoncuar se dy persona i kanë zënë prite dhe kanë qëlluar në drejtim të tij, ndërsa ky i fundit i është përgjigjur me të shtëna.
Ngjarja sipas efektivit të policie ka ndodhur teksa efektivi i policisë po lëvizte me makinë në rrugën në fshatin Sanxhak. Efektivi i policisë ka qenë i veshur me uniformë.
Ai ka deklaruar se nuk ka arritur që t’i njohë dy personat që i bënë pritë në rrugë.
Policia po heton dy pista, faktin që deklarata e efektivit mund të jetë e vërtetë, por edhe e inskenuar pasi në vendngjarje nuk janë gjetur gëzhoja.
Në Lezhë ndodhet drejtori i Përgjithshëm i Policisë së Shtetit, Muhamet Rrumbullaku.
Lini një Përgjigje