FLASH
Shkruar nga Pamfleti
Policia e Tiranës ka arrestuar një 15-vjeçar pasi akuzohet se ka goditur me thikë një 18-vjeçar.
Ngjarja ka ndodhur në rrugën “Bashkim Gazidede”.
Fatmirësisht 18-vjeçari, A.L, ndodhet jashtë rrezikut për jetën.
Policia ka arrestuar edhe një tjetër person për lëndë narkotike.
Njoftimi i policisë:
Forcat e Policisë në Tiranë zhvilluan disa aksione në fushat e hetimit të narkotikëve e krimeve dhe rritjes së sigurisë rrugore.
Hetimi i Narkotikëve
– U arrestua në flagrancë shtetasi D. Sh., 42 vjeç, banues në Tiranë, pasi gjatë kontrollit fizik, punonjësit e Policisë i gjetën dhe sekuestruan sasi lëndësh të dyshuara narkotike kokainë dhe heroinë.
Hetimi i krimeve
– U arrestua në flagrancë një shtetas 15 vjeç, pasi në rrugën “Bashkim Gazidede”, ka goditur me mjet prerës shtetasin A. L., 18 vjeç, i cili është jashtë rrezikut për jetën.
Siguria rrugore
– U arrestuan shtetasit T. B., 40 vjeç dhe K. M., 46 vjeç, të dy banues në Tiranë, pasi duke drejtuar automjetet përkatëse, në gjendje të dehur, janë përplasur me dy automjete të tjera, duke shkaktuar vetëm dëme materiale.
Materialet i kaluan Prokurorisë.
Lini një Përgjigje