FLASH
Shkruar nga Pamfleti
Një sherr i dhunëshëm mes dy familjesh shqiptare ka ndodhur mbrëmjen e djeshme në Kretë.
Sipas burimeve lokale, sherri fillimisht ndodhi mes çiftit të familjes dhe u përkeqësua pas ndërhyrjes së familjarëve të të dy palëve. Në pranga kanë rënë 4 persona, ndërsa u plagosen 3 të tjerë.
Ka qenë 28-vjeçarja, e cila ka shkuar në shtëpinë e prindërve dhe i ka treguar familjes se çfarë ka ndodhur. Më pas babai i saj së bashku me vëllain 30-vjeçar kanë shkuar në shtëpinë e çiftit për të biseduar me dhëndrin 39-vjeçar.
Aty janë përplasur vjehërri dhe dhëndëri, ku 52-vjeçari ka plagosur 39-vjeçarin me një copë xhami në qafë.
Në vendngjarje ka mbërritur ambulanca, e cila ka marrë 39-vjeçarin dhe e ka transportuar në spitalin e Rethymnos, ku raportohet se është në gjendje të rëndë shëndetësore.
Por nuk mbaron me kaq. Sherri ka vijuar edhe jashtë spitalit, ku ishin mbledhur të afërmit e dhëndrit dhe nuses.
Të dy palët nisën të debatonin, ndërsa situata u përshkallëzua me vëllezërit e 39-vjeçarit që sulmuan babanë dhe vëllain e 28-vjeçares duke i plagosur.
Babai i të resë, është dërguar me plagë të rënda në spital, por nuk ka qenë në rrezik për jetën. Në të njëjtën kohë, në kokë ka mbetur i plagosur edhe vëllai i 28-vjeçares.
Si pasojë, katër persona janë arrestuarm përfshirë edhe dy të plagosurit, ndërsa dy të tjerë janë shpallur në kërkim nga policia. Autoritet thanë se po hetojnë shkaqet e përplasje mes familjeve shqiptare dhe problemet mes çiftit që ishte edhe fillesa e sherrit mes tyre. Hetimet po kryhen prej Drejtorisë së Anti krimit të policisë së Rethymos.
Lini një Përgjigje