FLASH
Shkruar nga Pamfleti
Një i ri ka humbur jetën gjatë punë në kantierin e aeroportit të Vlorës. Mësohet se punëtori 38-vjeçar, me inicilet D.H, ka rënë nga lartësia duke humbur jetën. I riu ishte punonjës i një kompanie ndërtimi që po punon në projektin e aeroportit.
Pas hetimeve të kryera nga specialistët për Hetimin e Krimeve të Komisariatit të Policisë Vlorë, është arrestuar në flagrancë shtetasi D. N., 45 vjeç, banues në Tiranë, i cili mban detyrën e administratorit të kompanisë së ndërtimit.
Gjithashtu, ka nisur procedimi penal ndaj shtetasit U. S., 41 vjeç, po nga Tirana, me funksion përgjegjës i punimeve. Sipas Policisë, këta dy persona dyshohet se kanë shkelur detyrimet ligjore për masat e sigurisë në punë, duke sjellë si pasojë vdekjen e punonjësit.
Sakaq, materialet hetimore janë referuar në Prokurori për veprime të mëtejshme ligjore.
Lini një Përgjigje