FLASH
Shkruar nga Pamfleti
Një 15-vjeçar, me spektrin e autizmit u arrestua sot nga Policia e Vlorës, pasi dyshohet se ka organizuar një sulm haker ndaj disa institucioneve shtetërore në vend.
Blutë e Vlorës informojnë se i mituri, gjatë muajit mars 2025 ka arritur që të ndërhyjë në mënyrë të paautorizuar në të dhënat kompjuterike të disa institucioneve shtetërore (email-e dhe faqe zyrtare), duke shkaktuar ndërprerjen e funksionimit të tyre për periudha të caktuara kohore.
15-vjeçari është me aftësi të veçanta dhe i apasionuar pas teknologjisë, ndërsa nuk ka lidhje me veprimtari kriminale sipas asaj që kanë zbuluar hetimet.
Në “shënjestrën” e tij ishin faqja e Parlamentit, ajo e Shërbimit Informativ Shtetëror si edhe institucione të tjera.
Ai tentonte të merrte aksesin në e-mailet e këtyre faqeve dhe më pas t’i bllokonte.
Si rezultat i veprimtarisë së tij, 15-vjeçari arriti të merrte aksesin e dy faqeve, por duke arritur që vetëm t’i bllokonte ato.
Lini një Përgjigje