FLASH
Shkruar nga Pamfleti
Një konflikt mes dy punonjësve të Policisë Bashkiake Tiranë është regjistruar ditën e djeshme në ambientet e zyrës, duke çuar në procedimin penal të njërit prej tyre.
Sipas policisë, më 3 mars 2026 në Komisariatin e Policisë Nr. 3 është paraqitur, Alfred Xhoxhaj, punonjës i Policisë Bashkiake, i cili ka kallëzuar se është goditur nga një koleg i tij.
Në njoftim thuhet se konflikti ka ndodhur në ambientet e zyrës dhe dyshohet të ketë nisur për motive të dobëta që lidhen me natyrën e punës.
Policia bën me dije se shtetasi Eugen Saliasi, gjithashtu punonjës i Policisë Bashkiake, është proceduar penalisht për veprën “Goditja për shkak të detyrës”.
"Më datë 03.03.2026, është paraqitur në Komisariatin e Policisë Nr. 3 shtetasi Alfred Xhoxhaj, punonjës i Policisë Bashkiake Tiranë, i cili kallëzon se, për shkak të një konflikti për motive të dobëta që lidhen me natyrën e punës, është goditur në ambientet e zyrës nga kolegu i tij, punonjës i Policisë Bashkiake, shtetasi Eugen Saliasi. Eugen Saliasi u procedua për veprën penale “Goditja për shkak të detyrës”.", thuhet në njoftimin e policisë.
Lini një Përgjigje