FLASH
Shkruar nga Pamfleti
Një ngjarje e rëndë ka ndodhur mëngjesin e sotëm në kryeqytet pranë rrugës së Elbasanit. 25-vjeçari Merson Ferizaj, motorist ka dhunuar një efektiv të policisë rrugore.
Mësohet se efektivi i policisë i ka kërkuar të ndalojë, ndërsa 25-vjeçari ka kundërshtuar. Drejtuesi i motorit nuk është ndaluar dhe më pas ka dhunuar efektivin e policisë.
Pas kësaj situate, policia ka shoqëruar drejtuesin e motorit i cili ishte punonjës i Forcave Ushtarake. Ndërkohë efektivi i policisë po merr ndihmë mjekësore në spitalin e Traumës.
"Rreth orës 08:45, në rrugën e Elbasanit, dyshohet se shtetasi M. F., rreth 25 vjeç, nuk i është bindur urdhrit të punonjësit të Policisë Rrugore, për të ndaluar motomjetin që drejtonte, me qëllim kryerjen e verifikimeve. Gjithashtu, shtetasi M. F., dyshohet se për shkak të detyrës, është konfliktuar fizikisht me punonjësin e Policisë, i cili po merr asistencë mjekësore. Shtetasi M. F. është shoqëuar në ambientet e Policisë, me qëllim sqarimin e rrethanave të rastit", njoftoi policia.
Lini një Përgjigje