FLASH
Shkruar nga Pamfleti
Një 41-vjeçar është gjetur i pajetë mesditën e kësaj të mërkure në një liqen në Belsh.
Sipas informacioneve mësohet se viktima është gjetur pa shenja jete në ujërat e një prej liqeneve në Belsh, ku dyshohet se ka rënë aksidentalisht.
Sipas deklarimeve të para të familjarëve, viktima vuante nga probleme të shëndetit mendor. Po ashtu, nga këqyrja e trupit nuk janë konstatuar shenja dhune.
"Rreth orës 12:30, është marrë njoftim se dyshohej se një shtetas ishte mbytur në liqenin e Belshit.
Menjëherë pas njoftimit, shërbimet e Policisë kanë shkuar në adresën e dhënë, dhe në bashkëpunim me shërbimet zjarrfikëse, kanë bërë të mundur nxjerrjen nga ky liqen, të trupit të pajetë të shtetasit F. Xh., 41 vjeç, i cili sipas deklarimeve të familjarëve, vuan nga probleme të shëndetit mendor.
Nga këqyrja paraprake e trupit nuk janë konstatuar shenja dhune. Grupi hetimor vijon punën për zbardhjen e plotë të rrethanave të kësaj ngjarjeje.", njofton policia.
Lini një Përgjigje