FLASH
Shkruar nga Pamfleti
Detaje të reja kanë dalë nga përplasja me armë ndaj grupeve kriminale në Greqi. Sipas raportimeve nga ‘CNN Greqia” dyshohet se 6 personat e vdekur janë me origjinë shqiptare.
Më konkretisht, episodi i përgjakshëm ka ndodhur në kryqëzimin e rrugëve Arionos dhe Acropoleos dhe duket se ka pasur një shkëmbim zjarri mes grupeve, por rrethanat e ngjarjes ende nuk dihen.
Sipas informacioneve njëri, i cili ndoshta ishte edhe shoferi, tentoi të arratisej dhe u hodh nga automjeti. Ndërkohë që pesë të tjerët ndodheshin brenda automjetit.
Megjithatë, këto të shtëna raportohet se kanë të bëjnë me një rast larje hesapesh mes grupeve mafioze. Makina në të cilën u gjetën të vdekurit është me targa gjermane.
Forca të forta të grupit DIAS kanë mbërritur në vendngjarje dhe kanë rrethuar zonën, ndërsa plumbat e gjetur vijnë nga një pistoletë 9 milimetërshe që duket se është përdorur në ekzekutim.
Policia ka nisur hetimet për identifikimin e autorëve, ndërsa në të njëjtën kohë po mbledh dëshmitë e banorëve të zonës dhe po skanon kamerat e sigurisë për të mbledhur video materiale që do t'i ndihmojnë të zbardhin lëmshin e ekzekutimit.
Lini një Përgjigje