FLASH
Shkruar nga Pamfleti
Një 18-vjeçar është arrestuar nga policia e Shkodrës pasi lëvizte me pistoletë në makinë.
Në kuadër të operacionit ‘Sinjali’, u arrestua Jasin Drijaj, 18 vjeç, banues në fshatin Boriç i Madh. Sipas njoftimit të policisë, u gjet dhe sekuestrua 1 armë zjarri pistoletë dhe 2 krehra me fishekë luftarak.
"Në lagjen “Perlat Rexhepi”, shërbimet e Policisë sinjalizuan dhe ndaluan për kontrolle automjetin që drejtonte 18-vjeçari, ku gjetën 1 armë zjarri pistoletë të cilën ky shtetas e mbante pa leje dhe 2 krehra me fishekë luftarak", njoftoi policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
Lini një Përgjigje