FLASH
Shkruar nga Pamfleti
Autoritet spanjolle kanë shkatërruar një organizatë kriminale e drejtuar nga shqiptarë, e cila merrej me trafik ndërkombëtar të kokainës.
Policia sekuestroi më shumë se 820 kilogramë kokainë ndërsa janë arrestuar 17 persona, duke përfshirë ‘kokën’ e grupit, i njohur për kontaktet e tij në Amerikën Latine, Evropë dhe Dubai.
Nga kontrollet e kryera janë sekuestruar edhe 226 500 euro cash, tre aparate për zbulimin e pajisjeve elektronike GPS, dhe 13 automjete.
Operacioni u zhvillua prej dymbëdhjetë muajsh dhe janë kryer tre faza ekzekutimi. Hetimi nisi në fillim të vitit 2023 pasi u mësua për ekzistencën e një organizate kriminale që drejtohej nga shqiptarë me banim në Valencia, i dedikohej trafikut të kokainës në shkallë të gjerë si dhe pastrim parash.
Fillimisht u identifikua drejtuesi i organizatës, i cili drejtonte disa kompani me bazë në Spanjë.
Hetuesit identifikuan më pas edhe anëtarët e tjerë të rrjetit kriminal, gjë që i lejoi ata të specifikonin strukturën si dhe zbulimin e disa shtëpive luksoze dhe magazina industriale në pjesë të ndryshme të Valencias që organizata kishte në dispozicion.
Ata lokalizuan edhe një lavazh që përdorej nga rrjeti kriminal si qendër, pasi aty bëheshin mbledhjet kryesore për të shpërndarë funksionet dhe për t’u dhënë udhëzime anëtarëve të grupit.
Të arrestuarit ndodhen në paraburgim, ndërsa ndaj tyre është dhënë masa paraprake, ‘arrest me burg’.
Gjithashtu, hetuesit arrestuan edhe anëtarë të organizatës të ngarkuar me sigurimin e logjistikës dhe infrastrukturës së nevojshme për zhvillimin e veprimtarisë së paligjshme, duke menaxhuar kontratat e qirasë së pronave të ndryshme të kontrolluara.
Lini një Përgjigje