FLASH
Shkruar nga Pamfleti
Një 46-vjeçare ka rënë në prangat e policisë pasi akuzohet se ka mashtruar një shtetas nga Maqedonia e Veriut, duke u shtirur sikur ishte sëmurë.
Mësohet se e arrestuara është Ermira Debrova nga Elbasani, e cila ka mashtruar 32-vjeçarin në rrjetet sociale duke i marrë 10 mijë euro pasi i dërgonte të dhëna të rreme shëndetësore dhe personale të saj.
Sakaq, policia po vijon hetimet për identifikimin dhe arrestimin e shtetasve të tjerë që mund të jenë implikuar në këtë rast.
Njoftimi i policisë:
Mashtroi nëpërmjet rrjeteve sociale, një shtetas nga RMV dhe përfitoi rreth 10.000 euro, arrestohet në flagrancë 46-vjeçarja.
Strukturat hetimore të DVP Elbasan, si rezultat i administrimit të menjëhershëm të kallëzimit të një shtetasi nga Maqedonia e Veriut, për një rast mashtrimi, kanë iniciuar në Prokurorinë e Elbasanit, një hetim me qëllim zbardhjen dhe dokumentimin e plotë ligjor të këtij rasti.
Në kërkim për trafikimin e 1 ton marjuanë në Itali, arrestohet Gregor Likaj në Vlorë
Nga provat e siguruara si rezultat i hetimit të thelluar, me metoda proaktive, u organizua dhe u finalizua operacioni policor i koduar “Teknika”, në kuadër të të cilit, nga shërbimet e Forcës së Posaçme Operacionale të DVP Elbasan, u arrestua në flagrancë shtetasja E. D., 46 vjeçe, banuese në Elbasan.
46-vjeçarja ka mashtruar nëpërmjet rrjeteve sociale, një 32-vjeçar nga RMV, duke i prezantuar të dhëna të rreme shëndetësore dhe personale të saj. Nga kjo veprimtari kriminale dyshohet se shtetasja E. D. ka përfituar rreth 10 000 euro.
Vijojnë hetimet për identifikimin dhe arrestimin e shtetasve të tjerë që mund të jenë implikuar në këtë rast.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
Lini një Përgjigje