FLASH
Shkruar nga Pamfleti
Është zbardhur ngjarja e ndodhur dy ditë më parë në lagjen “Besëlidhja” në Lezhë, ku u shkatërrua me lëndë plasëse automjeti i një punonjësi policie, Gentjan Gjetja.
Policia njofton se, është identifikuar dhe arrestuar autori Fatjon Rreja, 32 vjeç, i cili rezulton me precedent penal në Itali për vjedhje me armë.
Sipas autoriteteve, zbardhja e ngjarjes erdhi pas veprimeve intensive hetimore dhe analizës së pamjeve filmike të siguruara në disa akse rrugore.
I dyshuari u arrestua në fshatin Zhejë, në Kurbin, ndërsa lëvizte me ciklomotorin që dyshohet se kishte përdorur për të shkuar në vendngjarje ditën e shpërthimit.
Ngjarja ka ndodhur më 15 mars 2026, ku me lëndë plasëse u shkatërrua automjeti i punonjësit të Policisë, shtetasit Gj. Gj.
Në vijim të operacionit, nisi procedimi penal edhe për babanë e të arrestuarit, shtetasin N. Rr., 66 vjeç, pasi gjatë kontrollit në banesë iu gjet një armë gjahu pa leje. Policia bëri të ditur se si ciklomotori, ashtu edhe arma e gjahut, janë sekuestruar në cilësinë e provës materiale.
"Lezhë/Finalizohet operacioni i koduar “Zoomed In”. Zbardhen autorësia dhe rrethanat e ngjarjes së ndodhur 2 ditë më parë, në lagjen “Besëlidhja”, ku u shkatërrua me eksploziv, automjeti i një punonjësi policie.
Identifikohet dhe arrestohet autori i dyshuar i krimit. I arrestuari, shtetas me precedent në Itali, për vjedhje me armë. Ai u kap duke lëvizur me ciklomotorin me të cilin kishte shkuar për të kryer shpërthimin.
Si rezultat i veprimeve hetimore intensive të kryera me qëllim përcaktimin e autorësisë dhe sqarimin e rrethanave të ngjarjes së ndodhur më datë 15 mars 2026, në lagjen “Besëlidhja”, ku u shkatërrua me lëndë plasëse, automjeti i punonjësit të Policisë, shtetasit Gj. Gj., shërbimet e Komisariatit të Policisë Lezhë, në drejtimin e Prokurorisë dhe në bashkëpunim me shërbimet e Komisariatit të Policisë Kurbin, finalizuan operacionin e koduar “Zoomed In”.
Gjatë operacionit, u identifikua si rezultat i vëzhgimit të hollësishëm të një sërë pamjesh filmike të siguruara në akse të ndryshme, autori i dyshuar i rastit, shtetasi F. Rr., 32 vjeç.
32-vjeçari u arrestua në fshatin Zhejë, Kurbin, teksa drejtonte të njëjtin ciklomotorin, me të cilin dyshohet se kishte shkuar në vendngjarje, ditën e kryerjes së krimit.
Në vijim të operacionit, nisi procedimi penal për babanë e shtetasit F. Rr., shtetasin N. Rr., 66 vjeç, pasi gjatë kontrollit në banesën e tyre, u gjet një armë gjahu, e cila posedohej pa leje.
Ciklomotori dhe arma e gjahut u sekuestruan me cilësinë e provës materiale.
Vijon hetimi në drejtimin e Prokurorisë së Lezhës, për të identifikuar dhe nxjerrë përpara penale, një shtetas që dyshohet se ka bashkëpunuar me 32-vjeçarin, për kryerjen e këtij krimi. Materialet procedurale iu referuan Prokurorisë së Lezhës, për veprime të mëtejshme.", njofton policia.
Lini një Përgjigje