FLASH
Shkruar nga Pamfleti
Një 41-vjeçar është arrestuar nga policia, pasi ishte i shpallur në kërkim për 2 vepra penale.
Policia ka vënë në pranga 41-vjeçarin Dritan Kullajn. Arrestimi i tij u krye në Pikën Kufitare të Qafë Morinës, si rezultat i kontrolleve të shtuara dhe bashkëpunimit mes strukturave policore.
Sipas njoftimit të Policisë, Kullaj ishte shpallur në kërkim nga Komisariati i Policisë Nr. 4 në Tiranë, pasi Gjykata e Shkallës së Parë e Juridiksionit të Përgjithshëm Tiranë kishte caktuar ndaj tij masën e sigurisë “Arrest në burg”. Ai akuzohet për veprat penale “Mbajtja pa leje dhe prodhimi i armëve, armëve shpërthyese dhe i municionit” si dhe “Vënia në dispozicion e lokaleve për lojëra të palejuara”.
Pas arrestimit, i dyshuari është dorëzuar tek autoritetet e Komisariatit të Policisë Nr. 4 për ekzekutimin e masës së sigurisë.
“Shërbimet e Policisë Kufitare në PKK Qafë Morinë, si rezultat i kontrolleve të shtuara dhe i shkëmbimit të informacioneve me DVP Tiranë, kanë kapur shtetasin D.K, 41 vjeç.
Nga verifikimet, ky shtetas rezultoi i shpallur në kërkim për llogari të Komisariatit të Policisë Nr. 4, pasi Gjykata e Shkallës së Parë e Juridiksionit të Përgjithshëm Tiranë i ka caktuar masën e sigurisë “Arrest në burg”, për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Vënia në dispozicion e lokaleve për lojëra të palejuara””, thuhet në njoftimin e policisë.
Lini një Përgjigje