FLASH
Shkruar nga Pamfleti
Të dënuarit Anterio Kaloshi dhe Aldo janë futur në regjimin e posaçëm ’41 biss’ pasi dyshohet se kanë mbajtur lidhje me njerëa që i përkasin botës së krimit jashtë burgut.
Dy të burgosurit ka dyshime se kanë komunikime dhe mbajnë lidhje me njerëz të krimit jashtë burgut dhe për këtë arsye mbrëmjen e djeshme në dy te natës është kryer mbyllja e tyre në 41 biss.
Të dënuarit u futën në regjimin e ashpër ku do të monitorohen dhe u nënshtrohen kufizimeve të 41 bissit 24 orë më 24, me urdhër të Drejtorisë së Përgjithshme dhe aprovimin e Ministrisë së Drejtësisë. Aprovimi është marrë gjithashtu edhe nga SPAK.
Anterio Kaloshi akuzohet për masakrën e ndodhur në Lushnjë në vitin 2017, së bashku me Laert Haxhiun ku u ekzekutuan me armë Zamir Latifi e Jurgen Hoxha, si dhe u plagos Marius Xhepexhiu. Ai gjithashtu ka fshehur dhe strehuar Orges Bilbilin, i arrestuar në prill të 2020, po ashtu një nga autorët e masakrës së Lushnjës.
Aldo Hoxha akuzohet për vrasjen me thikë të Fatbardha Tafës, gjatë përleshjes për t’i vjedhur asaj nga qafa varësen e floririt. Në ngjarjen e shënuar më 7 gusht 2012 pranë Fushës së Aviacionit në Tiranë, gjatë përleshjes me grabitësin mori plagë vdekjeprurëse me thikë Tafa dhe u plagos kunata e saj.
Lini një Përgjigje