FLASH
Shkruar nga Pamfleti
Një i ri ka mbetur i plagosur me armë zjarri në Velipojë. Ngjarja ka ndodhur në malin e Kolajve dhe i plagosur është Emiljano Paloka, 27-vjeç.
Paraprakisht dyshohet se plagosja ka ndodhur pas sherrit mes dy komshinjve. I plagosuri ndodhet në sallën e operacionit. Policia ka rrethuar zonën për kapjen e autorëve.
"Rreth orës 21:45, në malin e Kolajve Velipojë, në rrethana ende të paqarta është plagosur me armë zjarri shtetasi E. P., 27 vjeç, banues në fshatin Pulaj-Plazhë, i cili është transportuar për ndihmë mjekësore dhe ndodhet jashtë rrezikut për jetën.
Shërbimet e Policisë, me marrjen e njoftimit, shkuan menjëherë në vendin e ngjarjes dhe sëbashku me dy grupe të Forcës Kombëtare të Sigurisë Njësia Shkodër po vijojnë krehjen e zonës.
Grupi hetimor në drejtimin e Prokurorisë, vijon punën në vendngjarje për sqarimin e rrethanave të ngjarjes dhe identifikimin e autoreve", njofton policia.
Lini një Përgjigje