FLASH
Shkruar nga Pamfleti
Një automjet është gjetur i shkrumbuar në një rrugë dytësore mbrëmjen e djeshme në fshatin Grudë të Shkodrës.
Mësohet se makina e djegur është pa targa ndërsa u është hequr edhe numri i shasisë.
Në vendi ku u gjet mjeti raportohet se nuk ka pothuajse fare lëvizje, ndërsa në vendngjarje ka shkuar forcat zjarrfikëse të Shkodrës që bënë të mundur shuarjen e flakëve.
Dyshohet se zjarri në automjet ka qenë i qëllimshëm.
Sipas hetimeve paraprake, makina është braktisur në zonë nga persona ende të paidentifikuar, të cilët pasi i kanë vënë flakën me benzinë janë larguar nga vendngjarja.
Grupi hetimor po punon për gjetjen e numrit të shasisë së automjetit në pjesë të tjera për identifikuar se kush e ka pasur në pronësi.
Deri më tani mbetet e paqartë se kush janë autorët që kanë djegur makinën dhe se pse iu është vendosur flaka.
Ndërkohë forcat e policisë po hetojnë çdo pistë të mundshme nëse kjo makinë mund të jetë përdorur për ndonjë ngjarje kriminale.
Lini një Përgjigje