FLASH
Shkruar nga Pamfleti
Policia nuk ka ende asnjë të dhënë mbi atentatorët e vrasjes së trefishtë në Memaliaj.
Disa postoblloqe janë ngritur në autostradën Levan-Tepelenë, ku po kontrollohen automjetet e dyshimta. Ndërkohë RENEA dhe forcat e tjera janë duke bërë kontrolle në gjithë zonën.
Shyqo Kalemi, Bledar Muka dhe Marsel Çela u qëlluan me armë duke mbetur të vdekur, ndërkohë shënjestër ishte Kalemi dhe pista kryesore që po hetohet është ajo e hakmarrjes.
Viktima, Shyqo Kalemi, është babai i Andrea Kalemit, kushëririt të Aleksandër Sadikajt të vrarë me eksploziv në Tiranë në korrik 2022.
Andrea Kalemi ka qenë i dyshuar për vrasjen e biznesmenit Edmond Papa në Tiranë në Dhjetor të vitit 2022 i cili u vra per hakmarrje për vrasjen e Aleksander Sadikajt.
Vete Andrea raportohet se i ka shpëtuar dy atentateve në Greqi. Fillimisht ai i shpëtoi një atentati në një ishull ku ishte me pushime dhe tjetri në burg kur u sulmua me thikë. Ndërsa në janar të këtij viti në Unazën e Tiranës iu be atentat nga një makinë në lëvizje djalit tjetër të Shyqyri Kalemit, Zamir Kalemit i cili po lëvizte me një makinë smart. Nga kjo ngjarje ai mbeti i plagosur.
Lini një Përgjigje