FLASH
Shkruar nga Pamfleti
Sabah Nuzi dhe Samet Loka, të cilët u arrestuan për vrasjen e Klevis Lleshit, krim i ndodhur në gusht të vitit 2020, do të dalin sot para GJKKO-së për t’u njohur me masën e sigurisë.
Sabah Nuzi akuzohet si ekzektori i 24-vjeçarit Klevis Lleshi, ndërsa ngjarja u zbardh pas 5 vitesh nga zhdukja e të riut pas zbërthimit të përgjimeve në aplikacionin e koduar SkyEcc.
Krimi, sipas SPAK, u porosit nga pronari i lokalit “Monopol” në rrugën “Mylym Shyri” në Tiranë, Aurelinjo Kalaveri alias Aurel Hoxha, i cili ndodhet në arrati.
Aurelinjo Kalaveri alias Aurel Hoxha dyshohet se porositi vrasjen e Klevis Lleshit për të marrë hak për të vëllanë, 25-vjeçarin Agim Hoxha, i cili në prill të vitit 2012 u gjet i vrarë dhe i djegur në një automjet në afërsi të Southampton, një qytet në jug të Britanisë.
Autori i krimit, Arben Lleshi, kushëriri i Klevis Lleshit, u dënua me burgim të përjetshëm për vrasjen e 25-vjeçarit dhe në dhjetor 2023 u ekzekutua brenda burgut të Peqinit nga Sokol Mjacaj.
Lini një Përgjigje