FLASH
Shkruar nga Pamfleti
Një ngjarje e rëndë ka ndodhur ditën e djeshme Kamëz. Kryefamiljari 54-vjeçar kërcënoi familjarët e tij se do i digjte me benzinë dhe më pas i vuri zjarrin banesës.
Bëhet me dije se policia ka arrestuar në 54-vjeçarit, teksa mësohet se nga zjarri në banesë ka vetëm dëme materiale.
"Kanosi bashkëshorten e tij dhe fëmijët e tyre se do t’i digjte me benzinë, dhe më pas i vuri zjarrin banesës, arrestohet në flagrancë 54-vjeçari.
Shërbimet e Komisariatit të Policisë Nr. 5, pas marrjes së njoftimit se në rrugën “Tuk Jakova”, një shtetas kishte kanosur për jetën familjarët e tij, menjëherë kanë organizuar punën për vënien e autorit përpara përgjegjësisë penale.
Si rezultat i veprimeve profesionale të punonjësve të Policisë, është kapur dhe vënë në pranga shtetasi B. D., 54 vjeç.
Ditën e djeshme, në rrugën “Tuk Jakova”, ky shtetas dyshohet se ka kanosur bashkëshorten e tij dhe fëmijët e tyre se do t’i digjte me benzinë dhe më pas i ka vënë zjarrin banesës. Nga zjarri janë shkaktuar vetëm dëme materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme", njofton policia.
Lini një Përgjigje