FLASH
Shkruar nga Pamfleti
Të shtëna me armë zjarri janë regjistruar në Bulqizë.
Nga të dhënat paraprake nuk raportohet për të plagosur. Denoncimi në polici është bërë nga shënjestra e këtij atentati, Luan Ternova, i cili njihet ndryshe si 'i forti' i Bulqizës.
Ai ka treguar para autoriteteve se është qëlluar në drejtim të tij teksa po dilte nga xhamia.
Policia ndodhet në vendngjarje dhe ka nisur punën për identifikimin dhe kapjen e autorëve.
"Mesditën e sotme, shtetasi L.T, ka njoftuar sallën operative se në qytetin e Bulqizës, një person i paidentifikuar ka qëlluar me armë zjarri, por pa shkaktuar dëmtime.
Nga kontrolli i territorit, në aksin rrugor Qafa e Buallit-Klos, është gjetur i djegur një motomjet që dyshohet të jetë përdorur nga autori i këtij rasti.
Grupi hetimor nën drejtimin e Prokurorisë, po kryen hetimet për zbardhjen dhe rrethanat e këtij rasti.Në përfundim të veprimeve të para hetimore do të japim informacion më të plotë", njofton policial.
Mësohet se shënjestra e atentatit, është arretsuar nga policia në maj të vitit 2016 për armëmbajtje pa leje, pasi në banesë iu gjet një armë zjarri pistoletë me 8 fishekë.
Lini një Përgjigje