Një aksident i rëndë ka ndodhur në unazën e qytetit të Bilishtit. Mësohet se automjeti tip ‘Benz’ me drejtues shtetasin me inicialet E.Sh rreth 29 vjeç është përplasur me një motomjet që drejtohej nga 25-vjeçari me inicialet R.K.
Ky i fundit, si pasojë e përplasjes ka marrë dëmtime dhe është transportuar në spitalin e Korçës, për trajtim mjekësor. Ndërsa shoferi i “Benz-it” është shoqëruar në polici.
Njoftimi i policisë:
Devoll/Informacion paraprak
Më datë 10.06.2023, rreth orës 20:50, në unazën e qytetit të Bilishtit, automjeti tip “Benz” me drejtues shtetasin E. Sh., rreth 29 vjeç, është përplasur me motomjetin tip “Dayang”, me drejtues shtetasin R. K., 25 vjeç, i cili për pasojë ka marrë dëmtime dhe u transportua për mjekim në spitalin e Korçës.
Drejtuesi i automjetit E. Sh., është shoqëruar për veprime të mëtejshme procedurale.
Grupi hetimor po punon për përcaktimin e shkakut të aksidentit.
Lini një Përgjigje