FLASH
Shkruar nga Pamfleti
Gazetarja Aida Topalli ka analizuar në një rend kronologjik të gjithë ngjarjet që erdhën për shkak të gjakmarrjes mes fiseve Hoxha dhe Lleshi, ku së fundmi, SPAK zbardhi vrasjen e Klevis Lleshit i cili u vra në vitin 2020.
Gazetarja e ka cilësuar përplasjen mes dy fiseve si një hakmarrje tipike e gjakmarrjes së egër.
Ajo u shpreh se një përplasje në Angli dhe betimi i Aurel Hoxhës për të vrarë të gjithë burrat e fisit Lleshi, solli të gjitha ngjarjet dhe sagën e hakmarrjes.
“Agim Hoxha kishte një vëlla më të vogël, Aurel Hoxhën. Në vitin 2012, i vëllai u betua se do të shkrinte të gjitha paratë që do fitonte pra do bëhej i pasur dhe të gjithë pasurinë e tij do ta shkrinte për të shuar të gjithë burrat e fisit Lleshi.
Sot në vitin 2025, në fisin Lleshi të paktën të afërt të Arben Lleshit nuk ka më. Pjesa tjetër e fisit ka mundësi të jetë shpërngulur për shkak të frikës së gjakmarrjes. Në brezin e parë dhe të dytë, pra dy vëllezërit e Arben Lleshit dhe dy nipërit e tij janë vrarë dhe zhdukur.
Xhavit Lleshi u vra vetëm një vit pas vrasjes së Agim Hoxhës. Disa vite më vonë, u vra dhe vëllai tjetër në derë të shtëpisë, Hajredin Lleshi.
U zhduk në vitin 2020 Klevis Lleshi, djali i Xhavit Lleshit. Ndërsa në vitin 2017, u zhduk dhe ende sot e kësaj dite nuk dihet asgjë për fatin e tij, Artan Lleshi, djali i Hajredin Lleshit.
Dy vite më parë u vra në burgun e Peqinit Arben Lleshi, nga i dënuari Sokol Mjacaj. Të gjithë burrat e afërt të Arben Lleshit janë ekzekutuar. E gjithë kjo për shkak të një përplasje që nisi në Angli dhe më pas solli gjithë ngjarjet”, tha Topalli për “Euronews Albania”.
Lini një Përgjigje