FLASH
Shkruar nga Pamfleti
Disa drejtues dhe punonjës të Policisë së Shkodrës, dyshohet se janë përfshirë në hetimet për aksionin e policisë për kanabisin në Obot të Velipojës gjatë muajve gusht-shtator.
Për efektivët dhe drejtuesit është vendosur masa “arrest shtëpie” dhe ata akuzohen për shpërdorim detyre.
Të ndaluarit dyshohet se kanë lejuar dhe favorizuar kultivimin e bimëve narkotike në njësinë Administrative ‘Ana e Malit’ si dhe kanë neglizhuar marrjen e masave të domosdoshme për arrestimin e autorëve.
Masat janë dhënë për:
-Hajri Kushe – Zëvendësdrejtor i krimeve në Qarkun e Shkodrës (Pezullim nga detyra dhe ndalim për të dalë jashtë vendit);
-Dedim Gjeta – Shef krimesh, ish shef i komisariatit të Shkodrës, aktualisht shef rendi i Lezhës (Ndalim dalje jashtë shtetit);
-Pëllumb Shpati – Ish shef krimesh në Shkodër, aktualisht polic tek krimi ekonomik (Arrest shtëpie);
-Ilir Hasaj – Shef i SPZ Shkodër me gradë komisar (Ndalim dalje jashtë shtetit);
-Taulant Kurtaj – Arrest Shtëpie;
-Asllan Shytaj – Ndalim dalje jashtë shtetit;
-Arben Memaj – Ndalim dalje jashtë shtetit;
-Arben Dekovi – Ndalim dalje jashtë shtetit;
-Vehbi Nase – Pezullim i ushtrimi të detyrës;
-Gjin Guri – Pezullim i ushtrimi të detyrës;
-Nazmi Beqiri - Pezullim i ushtrimi të detyrës;
-Sokol Pjetri – Pezullim i ushtrimi të detyrës;
-Ardis Çoçja – Pezullim i ushtrimi të detyrës;
-Të tjerët pjesë e SPZ, Specialist i Policisë së zonës janë nën masën arrest shtëpie.
Për një nga të arrestuarit, Pëllumb Shpati, me detyrë polic në fushën e Krimit Ekonomik, i cili është dënuar me arrest në shtëpi, përveç shpërdorimit të detyrës rëndon edhe akuza e përkrahjes së autorit pas krimit.
Hetimet tregojnë se personat e përfshirë në këtë krim janë 248, të cilët akuzohen për shpërdorim detyre.
Vendimi është dhënë nga Prokurorja e Shkodrës, Blerta Hamza, për personat e akuzuar pjesë e Policisë së Shkodrës.
Lini një Përgjigje