FLASH
Shkruar nga Pamfleti
Një aksident i rëndë ka ndodhur në Itali ku një 29-vjeçar ka humbur jetën.
Mediat italiane bëjnë me dije se bëhet fjalë për shqiptarin Aldo Gjoka, 29 vjeç, i cili gjeti vdekjen pas një aksidenti me motor.
Gjoka kishte lindur në Tiranë dhe banonte në Lecce. Ngjarja e rëndë ndodhi në San Foca në bregdetin Adriatik të Salentos.
Gjoka ka qenë duke lëvizur me motorin e tij, kur për shkaqe ende të panjohura, është përplasur me një makinë tip 'Jaguar' e cila drejtohej nga një 44-vjeçar gjithashtu me origjinë shqiptare.
Për shkak të goditjes të rëndë, makina ka përfunduar në një parmak ndërsa Aldo Gjoka ka përplasur murin rrethues të një prone private, duke e rrëzuar atë.
Gjithashtu u shkatërrua një shtyllë ndriçimi, motori mori flakë dhe Aldo gjeti vdekjen në vendin e ngjarjes. Disa shoferë kalimtarë kanë lajmëruar shërbimet e urgjencës.
Përpjekjet për të shpëtuar të riun ishin të kota, pasi ai vdiq menjëherë nga lëndimet e rënda. Drejtuesi i makinës, në gjendje konfuze, u dërgua në spital për kontrolle të mëtejshme dhe për t’iu nënshtruar testeve të alkoolit dhe drogës.
Lini një Përgjigje