FLASH
Shkruar nga Pamfleti
Dy fëmijë të mitur të moshës 8 dhe 12 vjeç kanë përfunduar në spital, pasi janë përplasur nga një makinë në Vlorë. Ngjarja mësohet se ka ndodhur pak minuta më parë në lagjen “Uji i Ftohtë” më Lungomare.
Sipas informacioneve të policisë, fëmijët janë përplasur nga automjeti i drejtuar nga një 75-vjeçar nga Maqedonia e Veriut.
Të lënduarit janë transportuar me urgjencë në spital ku po marrin ndihëm mjekësore, ndërsa drejtuesi i mjetit është shoqëruar në komisariat.
Njoftimi i policisë:
Vlorë/Informacion paraprak/ Sot, në lagjen “Uji i Ftohtë”, në Lungomare, shtetasi P. S., 75 vjeç, banues në Maqedoni, duke drejtuar automjetin tip “Alfa Romeo”, ka aksidentuar në rrugë dy fëmijë, 8 dhe 12 vjeç, të cilët ndodhen në spital, jashtë rrezikut për jetën.
Drejtuesi i automjetit u shoqërua në komisariat për veprime të mëtejshme.
Grupi hetimor ndodhet në vendngjarje dhe po kryen veprimet e mëtejshme për aksidentin.
Lini një Përgjigje