
Ngjarja ndodhi në një rrugë urbane pasi një kamion doli nga korsia.
Një aksident me pasoja fatale u regjistrua mëngjesin e sotëm në qytetin Schramberg në Gjermani. Një grua sqhiptare 29 vjeç dhe djali i saj 3 vjeç humbën jetën në vendngjarje.
Sipas të dhënave, ngjarja ndodhi pak para orës 09:00 në rrugën Oberndorfer. Një 53-vjeçar që drejtonte një kamion humbi kontrollin e mjetit dhe doli nga rruga.
Kamioni goditi fillimisht tre automjete të parkuara. Më pas mjeti hyri në trotuar dhe përplasi gruan dhe fëmijën e saj, të cilët ndodheshin në atë zonë.
Ekipet e emergjencës ndërhynë menjëherë, por plagët rezultuan fatale për të dy viktimat. Gruaja ishte me origjinë nga Kosova. Autoritetet po vijojnë hetimet për rrethanat e aksidentit.
Lini një Përgjigje