FLASH
Shkruar nga Pamfleti
Një aksident i rëndë është regjistruar mbrëmjen e sotme në aksin rrugor Korçë-Pogradec. Një makinë tip Benz me drejtues një 44-vjeçar ka përplasur një këmbësore 53-vjeçare.
53-vjeçarja mësohet se është dërguar me urgjencë në spital dhe ndodhet nën kujdesin e mjekëve, ndërkohë që shoferi i makinës është arrestuar.
Ndërkohë që në vendngjarje ndodhet policia dhe grupi hetimor të cilët po punojnë për zbardhjen e plotë të shkaqeve të aksidentit.
Njoftimi i policisë:
“Pogradec/Informacion paraprak
Rreth orës 20:00, në aksin rrugor “Korçë-Pogradec”, automjeti tip “Benz”, me drejtues shtetasin G. M., 44 vjeç, ka përplasur këmbësoren, shtetasen E. B., 53 vjeçe, e cila është transportuar në spital dhe është në kujdesin e mjekëve.
Drejtuesi i automjetit është shoqëruar në Komisariatin e Policisë Pogradec, për kryerjen e veprimeve të mëtejshme procedurale.
Ndërkaq, grupi hetimor është në vendngjarje, ku vijon punën për të përcaktuar shkakun e aksidentit”, njofton policia.
Lini një Përgjigje