FLASH
Shkruar nga Pamfleti
Një aksident i rëndë është regjistruar mbrëmjen e sotme në aksin rrugor Gjirokastër – Tepelenë, ku si pasojë ka ndërruar jetë një grua 60-vjeçare.
60-vjeçarja e identifikuar si Hëna Maxhalaku, u përplas për vdekje nga një automjet pranë fshatit Humelicë.
Sipas burimeve, Maxhalaku vuante nga probleme të shëndetit mendor dhe po ecte në mes të rrugës kur u përplas nga një automjet.
Automjeti drejtohej nga shtetasi M.M., i cili po udhëtonte në këtë aks. Policia ka mbërritur në vendngjarje për të zbardhur rrethanat e aksidentit dhe për të përcaktuar shkaqet që çuan në këtë aksident.
Njoftimi i policisë:
Gjirokastër/Informacione paraprake
Rreth orës 19:50 në aksin rrugor "Gjirokastër - Tepelenë", në afërsi të fshatit Humelicë, shtetasi E. M., 54 vjeç, banues në Gjirokastër, duke drejtuar automjetin, ka përplasur këmbësoren, shtetasen H. M., 62 vjeçe, banuese në Tiranë, e cila si pasojë e përplasjes ka humbur jetën në vendngjarje.
Shtetasi E. M., u shoqërua në Komisariat për veprime të mëtejshme.
Grupi hetimor po punon për sqarimin e plotë të rrethanave të aksidentit.
Lini një Përgjigje