FLASH
Shkruar nga Pamfleti
Dyshohet se Ibrahim Lici ka marrë dy plumba nga antentati në Dobraç ku vëllai i tij Hamzai humbi jetën dhe është mjekuar në një spital privat në Fier.
Detaje të tjera janë zbuluar nga masakra e Shkodrës, ku humbën jetën katër persona.
Personi i tretë në makinën e viktimave të masakrës së Dobraçit, i cili dyshohet të jetë Ibrahim Lici, mund të jetë dërguar për mjekim në zonën e jugut të vendit, pasi grupi hetimor dyshon se ai mbeti i plagosur në shkëmbimin e zjarrit ku u vranë 4 persona, Hamza Lici, Arlind Bushati dhe çifti i bashkëshortëve që ishin në kohën dhe vendin e gabuar, Bashkim dhe Flutura Basha.
Mbi këto dyshime, policia ka ushtruar kontrolle në klinika private dhe jo vetëm, në qarqet Vlorë dhe Fier, por deri më tani nuk kanë rezultuar të suksesshme për gjetjen e “fantazmës”.
Dyshohet se Ibrahim Lici ka marrë dy plumba nga atentati i 30 Tetorit dhe ka marrë ndihmë mjeksore në një spital privat në Fier.
Burime bëjnë me dije se i treti në makinën “S Class”, i cili i shpëtoi mrekullisht atentatit, të ketë marrë të paktën 2 plumba, për të cilët duhet ndihmë e specializuar mjekësore për t’i hequr.
Kontrollet në klinikat private në Shkodër nuk zbuluan asgjë, çfarë çoi grupin hetimor në zgjerim të kontrollit deri në jug të vendit. 9 ditë pas vrasjes së katërfishtë, policia akoma nuk di të thotë shkencërisht nëse ishte apo jo Ibrahim Lici personi që shfaqet ngjitur me trupin e pajetë të Hamza Licit në vendin e ngjarjes, edhe pse çdo e dhënë tjetër përputhet me të, në një ngjashmëri precize.
Përgjigjet e provave biologjike në vendin e ngjarjes do të saktësojnë dilemën e madhe. Ibrahim Lici është në kërkim për vrasjen e Endri Mustafës, në maj 2022. Policia dhe Prokuroria e Shkodrës ndërkohë po vijojnë hetimet në mënyrë intensive për zbardhjen e ngjarjes, me pistë kryesore atë të hakmarrjes.
Lici rezulton në kërkim ndërkombëtar dhe për këtë arsye policia kërkon që ta arrestojë për veprat penale që akuzohet, por edhe në funksion të ngjarjes së Shkodrës ku u vra vëllai i Licit, Hamza Lici, Arlind Bushati dhe ky kalimtarët e pafajshëm, Bashkim e Flutura Basha.
Dy të fundit krejt rastësisht teksa kalonin në rrugë me motor. Makina e Hamza Licit humbi kontrollin dhe i përplasi duke i shkaktuar vdekjen e menjëhershme gruas, ndërsa i shoqi ndërroi jetë disa ditë pas ngjarjes.
Lini një Përgjigje