FLASH
Shkruar nga Pamfleti
Një 19 vjeçar shqiptar është zhdukur në rrethana misterioze në Peckham të Anglisë. Në jug-lindje të Londrës, Peckham njihet si një zonë problematike dhe me kriminalitet të lartë.
19-vjeçari Rogers Cena është raportuar i zhdukur që prej datës 22 janar 2025.
Sipas policisë angleze, ditën që është parë për herë të fundit, i riu kishte thënë se do të shkonte në dyqanin lokal rreth orës 15:17 të mërkurën e 22 janarit. Që atëherë, nuk është parë më.
Një njoftimin e policisë, thuhet se Roger ka humbur telefonin e tij, i cili është gjetur në Waltham Cross, një zonë e panjohur për të.
“Jo vetëm që ky është një i ri jashtëzakonisht i cenueshëm, por telefoni ishte i vetmi mjet që ai kishte për të kontaktuar familjen e tij", shprehen ata.
Babai i tij shprehet se është konfuz se përse i riu vazhdon të shfaqet në zona të ndryshme, teksa thekson që është një djalë i urtë.
Për herë të fundit, 19-vjeçari u pa i veshur me një xhup të errët dhe kapuç gri, raportojnë mediat angleze.
Policia bën apel që kushdo që e ka parë të kontaktojë me ta.
Lini një Përgjigje