FLASH
Shkruar nga Spartak Ngjela
Në këtë luftë çlirimtare të Kosovës, NATO ka bombarduar Beogradin. E ka harruar presidenti fantazmë Vuçiç këtë luftë?!
Aleanca e mbrojtjes Shqipëri-Kosovë-Kroaci ka shqetësuar deri në ekstrem Serbinë.
Pse e ka këtë histeri injorante dhe primitive presidenti i Serbisë Vuçiç dhe politika e Serbisë kundër një marrëveshjeje ushtarake të tre shteteve të Ballkanit Perëndimor?
Sepse janë ende primitivë drejtuesit politik të Beogradit.
Gjithçka është e qartë.
Kjo tregon se aleanca Shqipëri-Kosovë-Kroaci i ka hequr dhe zbuluar Serbisë çdo mendim të fshehtë që mund të ketë pasur për Kosovën.
Kosova tani ka aleancë mbrojtëse me dy shtete të NATO- s, domëthënë juridikisht Kosova është në mbrojtje me ombrellën ushtarake të NATO- s.
Por fakti që Beogradi politik sot tregoi se është prekur me një tension të brendshëm nga kjo aleancë, kuptohet se, në programin e fshehtë primitiv të saj, Serbia ka luftën pushtuese kundrejt Kosovës.
Por aleanca ushtarake Shqipëri - Kroaci - Kosovë, siç duket ia ka djegur Serbisë ndër duar këtë kartë.
Të paktën, këtë të jep të kuptuar ky tension absurd që ka ngritur alarmin e Aleksandër Vuçiçit kundër kësaj aleance.
Serbët vuajnë ende nga sindromi shekullor i pushtuesit, dhe këtë e provuan edhe sot me tensionin e tyre primitiv për aleancën Shqipëri-Kroaci-Kosovë.
Por tani dihet si fakt historik që Serbinë shqiptarët e Kosovës e kanë mundur në luftë, dhe pavarësia e Kosovës ka ardhur nga një lufta heroike e Ushtrisë Çlirimtare të Kosovës, me mbështetjen edhe të NATO-s, kundër Jugosllavisë.
Në këtë luftë çlirimtare të Kosovës, NATO ka bombarduar Beogradin.
E ka harruar presidenti fantazmë Vuçiç këtë luftë?!
Dhe prandaj, përmendja e këtij fakti historik, që Vuçiç është një i mundur në luftë, i jep fund çdo diskutimi dhe çdo përpjekjeje të Serbisë për të ringjallur një pushtues të vdekur, të cilin shqiprarët e Kosovës e kanë vrarë me luftë heroike, në vitin 2008.
Prandaj aksioma historike që duhet përmendur për këtë rast, është kjo:
I vdekuri i mundur në një luftë çlirimtare, nuk ka kurrë mundësi që të ringjallet!
Lini një Përgjigje