FLASH
Shkruar nga Jorida Tabaku
Një monedhë vendase më e fortë nuk është shenjë e mirë për shtresën e mesme dhe as për punëtorin që rropatet përditë.
Një monedhë më e fortë lek nuk vjen si pasojë e një ekonomie që po rritet në sektorët e saj. Sipas të gjithë treguesve ekonomik që raporton INSTAT, ekonomia po rritet vetëm nga ndërtimi. Kush e sponsorizon ndërtimin? Rrogat e shqiptarëve?!
Një monedhë vendase e fortë nuk do të thotë një shqiptar më i pasur, por një shqiptar më i varur nga importi. Një monedhë vendase më e fortë do të thotë kosto më të larta importi, që rriten edhe më shumë kur Autoriteti Konkurrencës nuk bën detyrën sepse tregun e sundojnë monopoli.
Një monedhë vendase më e fortë nuk është shenjë e mirë për shtresën e mesme dhe as për punëtorin që rropatet përditë. Shifrat e EUROSTAT që krahasojnë fuqinë blerëse të shqiptarëve në raport me rajonin, tregojnë se jemi më të varfër dhe kemi çmimet më të larta.
Një monedhë vendase më e fortë nuk janë më shumë të ardhura për bujkun; i lënë në harresë pa një reformë reale, me mjete primitive në shërbim, me mungesë subvencionesh, i keqtrajtuar fiskalisht dhe me një treg të monopolizuar ai nuk dërgon dot produktin e tokës sonë as në tryezën e familjeve tona as të turistëve.
Lini një Përgjigje