FLASH
Shkruar nga Spartak Ngjela
Melania ishte e ftohtë në qëndrimin e saj, dhe Trump që sikur i lutej asaj. Ndërsa ajo, e tërhiqte zvarrë siç dëshironte ajo...
Donald Trump u betua si president i Shteteve të Bashkuara të Amerikës, por gruaja e tij Melania Trump u paraqit në këtë ceremoni me një kapelë republike që, me rrethin e saj të gjerë si strehë, nuk e lejoi presidentin që ta puthë.
Ajo, me atë paraqitje e atillë si mbretëreshë, që i habiti të gjithë, dhe me atë qëndrim mbretëror, i tha historisë më shumë sesa opinionit publik:
Këtu, në këtë festë, jam unë, dhe askush tjetër: Tani, unë jam mbreti në Washington.
Melania ishte e ftohtë në qëndrimin e saj, dhe Trump që sikur i lutej asaj. Ndërsa ajo, e tërhiqte zvarrë siç dëshironte ajo.
Dhe kapela republike e saj, u bë lajm i gjerë në media.
Edhe ajo kapelë nuk ka shpjegim tjetër veç kësaj: "Këtu jam unë, dhe vetëm unë, sepse jam Mbretëresha në Uashington.
Dhe Trump vinte vërdallë, jo si i fyer apo i poshtëruar, por si pranues i rolit të tij prej vartësi përballë mbretëreshës Melania Trump.
Po, si do të ecë kjo rrjedhë e re e këtij çifti kaq të pushtetshëm në Uashington?
Do kemi edhe raste të tjera ku Melania Trump do të na thotë latinisht si perandorët e mëdhenj të Perandorisë Romake: Hic Sum! (Këtu jam unë)
Lini një Përgjigje